ბორდიური (ზოგისთვის იგივე ,,ბარდიული’’) ერთი შეხედვით პატარა სამშენებლო ელემენტია, მაგრამ მისი როლი ნებისმიერი ტერიტორიის კეთილმოწყობაში უმნიშვნელოვანესია. ის არა მხოლოდ ესთეტიკურ იერს აძლევს ეზოს, ქუჩას ან ბილიკს, არამედ პრაქტიკულ ფუნქციასაც ასრულებს – ზღუდავს საფეხმავლო და სატრანსპორტო ზონებს, იცავს ბალახის მწვანე საფარს და ხელს უშლის საფარის ჩამოშლას. სწორედ ამიტომ, დღეს ,,ბორდიული’’ ერთ-ერთი ყველაზე მოთხოვნადი მასალაა როგორც კერძო, ისე მუნიციპალურ პროექტებში.
,,ბარდიულის’’ არჩევისას ადამიანებს ხშირად უჩნდებათ სხვადასხვა კითხვა: რომელი ზომა და ფორმა მოუხდება კონკრეტულ სივრცეს, რა მასალაა უფრო გამძლე, რა განსხვავებაა სხვადასხვა ტიპის ბორდიურებს შორის და ა.შ. ხშირად მომხმარებლებს აინტერესებთ ბორდიურს ფასიც – რა განსაზღვრავს მის ღირებულებას და როგორ შეიძლება შევარჩიოთ ოპტიმალური ვარიანტი ისე, რომ ხარისხიც მაღალი იყოს და ზედმეტი ხარჯიც თავიდან ავიცილოთ.
ამ სტატიაში შევეცდებით პასუხი გავცეთ ყველა ამ აქტუალურ კითხვას. დეტალურად განვიხილავთ ბორდიურის არჩევის პრინციპებსა და იმ ფაქტორებს, რომლებიც მის ფასზე ყველაზე მეტად ახდენს გავლენას. თუ თქვენ გეგმავთ ეზოს, ბილიკის ან ფართო ინფრასტრუქტურული სივრცის მოწყობას, ეს გზამკვლევი დაგეხმარებათ, უკეთ გაერკვეთ სპეციფიკურ საკითხებში და საბოლოოდ, სწორი არჩევანიც გააკეთოთ.
ბორდიურის (,,ბარდიულის’’) ტიპები – რომელი რისთვის გამოიყენება?
ბეტონის ბორდიურის სამი ყველაზე გავრცელებული ტიპი არსებობს: ძირითად საგზაო, ტროტუარის და დეკორატიული. თითოეული მათგანი კონკრეტულ დანიშნულებას ემსახურება.
საგზაო ბორდიური გამოიყენება ქუჩებსა და საპარკინგე ადგილებში. მისი მთავარი როლია უსაფრთხოება და გამძლეობა.
ტროტუარის ბორდიური უკეთესია საფეხმავლო ბილიკებისთვისა და ეზოებისთვის – ის მიჯნავს მწვანე და საფეხმავლო ზონებს და უზრუნველყოფს მოწესრიგებულ იერსახეს.
დეკორატიული ბორდიური კი ყველაზე ესთეტიკურია და ხშირად გამოიყენება ბაღებსა და ლანდშაფტის დიზაინში, სადაც მთავარი აქცენტი სილამაზეზე კეთდება.
,,ლეგის’’ ბეტონის ბორდიური თითოეულ კატეგორიაში გამორჩეულია ხარისხითა და გამძლეობით, რაც მომხმარებლებს აძლევს საშუალებას, იპოვონ როგორც ფუნქციური, ისე ვიზუალურად სასიამოვნო გადაწყვეტა.
რამდენად გამძლეა ბეტონის ბორდიური?
ბეტონის ბორდიური მაღალი სიმტკიცით გამოირჩევა. ის კარგად უძლებს ინტენსიურ დატვირთვას, მაგალითად მანქანების მოძრაობას და გამძლეა კლიმატური პირობების მიმართ – სიცივის, სითბოსა და ნალექის ზემოქმედებისადმი. სწორედ ამიტომ, ბეტონის ბორდიური ხშირად გამოიყენება როგორც ქუჩებსა და ბილიკებზე, ისე ეზოებსა და ლანდშაფტურ პროექტებში, სადაც პრაქტიკულობა და სტაბილურობა გადამწყვეტია.
რა ზომებში და ფერებში არსებობს ბორდიური?
ბორდიურები განსხვავდება ზომით, სიმაღლითა და ფერით, რაც მათ სხვადასხვა დანიშნულებას განაპირობებს. სიგრძის, სიგანისა და სიმაღლის არჩევისას უნდა გავითვალისწინოთ პროექტის ტიპი, თუმცა გარდა ზომებისა, ვიზუალური ჰარმონიის შექმნას ლანდშაფტში ასევე ხელს უწყობს ბორდიურის სხვადასხვა ფერი. ამიტომ მნიშვნელოვანია, რომ ის პროექტის სტილსა და დიზაინს სრულად შეესაბამებოდეს.
ბორდიურის ფასი – რის მიხედვით განისაზღვრება ღირებულება?
ბორდიურის ფასი დამოკიდებულია რამდენიმე ძირითად ფაქტორზე. პირველ რიგში, საბოლოო ღირებულებას მასალის ტიპი და ხარისხი განსაზღვრავს.
მეორე ფაქტორია ზომა – უფრო მასიური საგზაო ბორდიური ან ფერადი დეკორატიული ვარიანტები ხშირად უფრო ძვირია, რადგან მათ წარმოებას მეტი რესურსი სჭირდება.
ბორდიურის ფასი ასევე განისაზღვრება მოთხოვნითა და მიწოდების პირობებით. საბოლოოდ, სწორი არჩევანი კი თავის თავშივე მოიაზრებს ბალანსს ხარისხსა და ფასს შორის. ინვესტიცია შესაბამისი ტიპის, ზომისა და ხარისხის ბორდიურებში უზრუნველყოფს, რომ სივრცე, წლების განმავლობაში, არა მხოლოდ პრაქტიკული, არამედ ვიზუალურად მიმზიდველი იყოს.
რა დააკლდება სივრცეს, თუ ბორდიურზე უარს ვიტყვით?
ბორდიური სივრცეს ორგანიზებულ და მოწესრიგებულ იერსახეს ანიჭებს. მის გარეშე ბილიკები, ეზოები და მწვანე ზონები ბუნებრივად ვერ გამოიყოფა, საფარის კიდეები ადვილად დეფორმირდება, ხოლო სივრცის ვიზუალური ჰარმონია დაირღვევა. ეს კი იმიტომ, რომ როგორც დასაწყისშიც აღვნიშნეთ, ბორდიური არა მხოლოდ ესთეტიკურ ფუნქციას ასრულებს, არამედ იცავს ინფრასტრუქტურას და ზრდის ექსტერიერის პრაქტიკულ დანიშნულებას. ამიტომაც, მისი გამოყენება პროექტების სრულყოფილი იერის შესაქმნელად მნიშვნელოვანია.
